სიახლეების გამოწერა

  2018 წლის 4 მაისს თეთრიწყაროს მუნიციპალიტეტის მერიის სხდომათა დარბაზში თეთრიწყაროს მუნიციპალიტეტის მერის სათათბირო ორგანოს, საზოგადოებრივი მრჩეველთა საბჭოს სხდომა გაიმართა .

   საბჭოს თავმჯდომარემ, გულიკო შოშიტაშვილმა წარადგინა საბჭოს მუშაობის სტრუქტურის, სტრატეგიისა და ანგარიშის დოკუმენტის პროექტის პრეზენტაცია. ასევე, მან დეტალური ინფორმაცია მიაწოდა საბჭოს წევრებს სათათბირო ორგანოს, როგორც ინსტრუმენტის მნიშვნელობასა და უფლებამოსილების შესახებ. თეთრიწყაროს მუნიციპალიტეტის 2018 წლის კულტურის სტრატეგიის განხორციელების მოკლევადიანი სამოქმედო გეგმა და 2019 წლის სამოქმედო გეგმის ძირითადი პრიორიტეტები საბჭოს განსახილველად წარუდგინა განათლების, კულტურის, სპორტისა და ახალგაზრდულ საქმეთა განყოფილების უფროსმა ფატიმა შავაძემ. 2018 წლის ინფრასტრუქტურული პროექტები მიმოიხილა ინფრასტრუქტურის განყოფილების უფროსმა - ნატო ალთუნაშვილმა.

   თეთრიწყაროს მხარეთმცოდნეობის მუზეუმის კულტურული მემკვიდრეობის სააგენტოსათვის სარგებლობის უფლებით გადაცემის საკითხი საბჭოს წევრებს და დამსწრე საზოგადოებას გააცნო მერის პირველმა მოადგილემ, მალხაზ სამაშვილმა.

   საბჭოს სხდომა ინტერაქტიულად წარიმართა. სამოქალაქო მრჩევლებმა მერიის მიერ წარდგენილ დოკუმენტებზე თავისი მოსაზრებებისა და შენიშვნების მოსამზადებლად გონივრული ვადა ითხოვეს.

   თეთრიწყაროს მუნიციპალიტეტის მერის საზოგადოებრივი მრჩეველთა საბჭო სამუშაოდ ერთ თვეში შეიკრიბება.