სიახლეების გამოწერა

  2 აპრილს თეთრიწყაროს მუნიციპალიტეტის მერიის სააქტო დარბაზში გიორგი ოვაშვილის სრულმეტრაჟიანი მხატვრული ფილმის "ხიბულა"-ს ჩვენება გაიმართა. ფილმი საქართველოს პირველი პრეზიდენტის, ზვიად გამსახურდიას შესახებ მოგვითხრობს. მასში ასახულია ქვეყნის უახლოესი წარსული. "ხიბულა" "სიმინდის კუნძულისა" და "გაღმა ნაპირის" რეჟისორის მესამე გახმაურებული ნამუშევარია.ჩვენების შემდეგ დარბაზში რეჟისორთან დისკუსია გაიმართა. 

  ,,ხიბულა" მოგვითხრობს პრეზიდენტ ზვიად გამსახურდიას ცხოვრების უკანასკნელი დღეების შესახებ. ქვეყნის პირველი პირი, რომელიც მოსახლეობამ ხმათა აბსოლუტური უმრავლესობით აირჩია მალევე სამხედრო გადატრიალების შედეგად დევნილობაში აღმოჩნდა. ის ძალაუფლების აღსადგენად დაბრუნდა, მაგრამ ვერაფერს გახდა და მცირერიცხოვან რაზმთან ერთად მთებს შეაფარა თავი. ფილმი ,,ხიბულა'' სწორედ ამ ეპიზოდიდან იწყება.სახელწოდება კი, იმ სოფლიდან მოდის, სადაც პრეზიდენტმა სიცოცხლე, ბოლომდე გაურკვეველ მდგომარეობაში, დაასრულა.