სიახლეების გამოწერა

ბავშვთა უფლებების დაცვა და მხარდაჭერა თეთრიწყაროს მუნიციპალიტეტის ერთ-ერთი მნიშვნელოვანი პრიორიტეტია.

მუნიციპალიტეტში ბავშვთა კეთილდღეობის ხელშეწყობისა და მათი საჭიროებების შესაბამისი მხარდაჭერის მიზნით, ბავშვის უფლებების დაცვისა და მხარდაჭერის პროგრამა აქტიურად ხორციელდება.

2026 წლის 9 თვის მონაცემებით, პროგრამის ფარგლებში მატერიალური დახმარება 76 ბენეფიციარს გაეწია, რისთვისაც ადგილობრივი ბიუჯეტიდან, ჯამურად, 95 937 ლარი გამოიყო.

პროგრამა მოიცავს რამდენიმე მნიშვნელოვან მიმართულებას: კრიზისულ მდგომარეობაში მყოფი ბავშვებისა და ბავშვიანი ოჯახების ფინანსურ დახმარებას; ბავშვების კრიტიკულად საჭირო ჰიგიენური საშუალებებით უზრუნველყოფას; სხვადასხვა საჭიროების მქონე ბავშვებისთვის სარეაბილიტაციო პროცედურებისა და თერაპიული კურსების დაფინანსებას; აუტისტური სპექტრის მქონე ბავშვთა სარეაბილიტაციო მომსახურების დაფინანსებას; შეზღუდული შესაძლებლობის მქონე ბავშვთა საკურორტო მომსახურების დაფინანსებას.

მუნიციპალიტეტი განაგრძობს ბავშვებისა და მათი ოჯახების საჭიროებებზე მორგებული მხარდამჭერი პროგრამების განხორციელებას, რათა თითოეულ ბავშვს ჰქონდეს განვითარებისა და სრულფასოვანი ცხოვრების მეტი შესაძლებლობა.