სიახლეების გამოწერა

თეთრიწყაროს მუნიციპალიტეტის მერი, მიხეილ აფციაური, დმანისის მუნიციპალიტეტში სახალხო დღესასწაულს „დმანისობა 2026“ დაესწრო.

სახალხო დღესასწაული სტუმრებს დმანისის მუნიციპალიტეტის მერთან, კობა მურადაშვილთან ერთად, ქვემო ქართლში სახელმწიფო რწმუნებულმა, ილია ჯალაღანიამ, ბოლნისის, დმანისის, თეთრიწყაროსა და წალკის დელეგატმა, დავით შერაზადიშვილმა და ადგილობრივი ხელისუფლების წარმომადგენლებმა მიულოცეს.

ტრადიციული სახალხო დღესასწაულის ფარგლებში მოეწყო მრავალფეროვანი კულტურული და სპორტული ღონისძიებები, საგამოფენო და ეთნო-გასტრონომიული სივრცეები, ასევე ადგილობრივი მეწარმეების პროდუქციის გამოფენა-გაყიდვა.

ღონისძიებაში მონაწილეობდნენ ადგილობრივი შემოქმედებითი ჯგუფები და ინდივიდუალური შემსრულებლები. საზეიმო ვითარებაში დაჯილდოვდნენ საპატიო დმანისელები და ღვაწლმოსილი მოქალაქეები.

ღონისძიებას ასევე ესწრებოდნენ საქართველოს პარლამენტის წევრები, სხვადასხვა მუნიციპალიტეტის მერები და საკრებულოს თავმჯდომარეები.

საღამო ანრი ჯოხაძის სოლო კონცერტით დასრულდა.

სოხუმის დაცემის 33-ე წლისთავთან დაკავშირებით, თეთრიწყაროს მუნიციპალიტეტში დაღუპულთა ხსოვნას პატივი მიაგეს

სოხუმის დაცემის 33-ე წლისთავთან დაკავშირებით, თეთრიწყაროს მუნიციპალიტეტის მერმა მიხეილ აფციაურმა, ადგილობრივი თვითმმართველობის წარმომადგენლებთან და ახალგაზრდებთან ერთად, პატივი მიაგო საქართველოს ტერიტორიული მთლიანობისთვის დაღუპულთა ხსოვნას.

მუნიციპალიტეტის ხელმძღვანელობამ სოფელ ასურეთში მდებარე მემორიალი და დაბა მანგლისში აფხაზეთის ომში დაღუპულთა საფლავები გვირგვინებით შეამკო. ქვეყნის ერთიანობისთვის ბრძოლაში დაღუპული მეომრებისა და მშვიდობიანი მოქალაქეების ხსოვნას პატივი წუთიერი დუმილით მიაგეს.

დაღუპულთა სულების მოსახსენიებელი პანაშვიდი მანგლისის ტაძრის წინამძღვარმა, მამა გიორგი მალხაზიშვილმა და მამა შენგელი გოცირიძემ გადაიხადეს.

„27 სექტემბერი საქართველოს უახლეს ისტორიაში ერთ-ერთი ყველაზე მძიმე თარიღია. ეს არის დღე, როდესაც განსაკუთრებული პატივით ვიხსენებთ ადამიანებს, რომლებმაც ქვეყნის ერთიანობას საკუთარი სიცოცხლე შესწირეს. მათი ხსოვნა მარადიულია და ჩვენი ვალია, მუდამ გვახსოვდეს ეს გმირობა“, - განაცხადა მიხეილ აფციაურმა.

საქართველოს პარლამენტისა და თეთრიწყაროს მუნიციპალიტეტის მერიის მხარდაჭერით, ორგანიზაციის „ქართული ოცნება - ჯანმრთელი მომავალი“ ორგანიზებით, ქალაქ თეთრიწყაროში, შპს „რეგიონული ჯანდაცვის ცენტრში“ უფასო დიაგნოსტიკური და ინსტრუმენტული სამედიცინო კვლევები ჩატარდა.

უფასო სამედიცინო აქციას, თეთრიწყაროს მუნიციპალიტეტის მერთან, მიხეილ აფციაურთან ერთად, ქვემო ქართლში სახელმწიფო რწმუნებული ილია ჯალაღანია, საქართველოს პარლამენტის წევრები: გიორგი ვოლსკი, დავით შერაზადიშვილი, გოდერძი ჩანქსელიანი, სახელმწიფო რწმუნებულის მოადგილეები: ავთანდილ ჭრიკიშვილი, ნიკა კობახიძე, რეგიონული ჯანდაცვის ცენტრის დირექტორი არჩილ მამალაძე, ორგანიზაციის „ქართული ოცნება - ჯანმრთელი მომავალი“ პრეზიდენტი ქეთევან ბარათელი და ადგილობრივი თვითმმართველობის სხვა წარმომადგენლები ესწრებოდნენ.

აქციის ფარგლებში 400-მდე მოქალაქეს შესაძლებლობა ჰქონდა, სრულიად უფასოდ მიეღო სამედიცინო კონსულტაციები და კვლევები ქვეყნის წამყვანი კლინიკების აკადემიური პერსონალისგან შემდეგი მიმართულებებით: თერაპია, კარდიოლოგია (კარდიოგრამა, კარდიოექოსკოპია), ნევროლოგია, ოფთალმოლოგია, ენდოკრინოლოგია, რადიოლოგია (ყველა სისტემის ექოსკოპია), მამოლოგია, გინეკოლოგია, უროლოგია, ანგიოლოგია (სისხლძარღვების სპეციალისტი), ქირურგია, ზოგადი ქირურგია, ტრავმატოლოგია, პულმონოლოგია (ფილტვის სპეციალისტი), გასტროენტეროლოგია და პედიატრია.

აღსანიშნავია, რომ ორგანიზაციამ „ქართული ოცნება - ჯანმრთელი მომავალი“, საქართველოს პარლამენტის მხარდაჭერით, ქვეყნის მასშტაბით 200 000-ზე მეტ მოქალაქეს, მათ შორის სოციალურად დაუცველებს, სკოლებისა და ბაღების პედაგოგებს, ვეტერანებსა და მათი ოჯახების წევრებს, სასჯელაღსრულების დაწესებულებების ბენეფიციარებს, ასევე საზღვრისპირა და ოკუპირებულ ტერიტორიებზე მცხოვრებ მოსახლეობას, გაუწია უფასო კონსულტაციები და ჩაუტარა სხვადასხვა სამედიცინო კვლევა.

აღნიშნული სამედიცინო პროგრამის განხორციელება მომავალშიც გაგრძელდება, რათა კიდევ უფრო მეტმა მოქალაქემ ისარგებლოს უფასო სამედიცინო მომსახურებით.

თეთრიწყაროს მუნიციპალიტეტის მერი მიხეილ აფციაური მუნიციპალიტეტში მოქმედი კერძო სექტორის წარმომადგენლებს შეხვდა.

შეხვედრის ფარგლებში, მერი გაეცნო მათი საქმიანობის ძირითად მიმართულებებს, არსებულ გამოწვევებსა და სამომავლო გეგმებს. მიხეილ აფციაურმა კერძო სექტორის წარმომადგენლებს მხარდაჭერა და დახმარება აღუთქვა და აღნიშნა, რომ მუნიციპალიტეტი მზად არის, ხელი შეუწყოს ადგილობრივი ბიზნესის განვითარებას.

შეხვედრაზე განსაკუთრებული ყურადღება გამახვილდა მუნიციპალიტეტსა და კერძო სექტორს შორის პარტნიორული ურთიერთობის გაძლიერებაზე, რაც ეკონომიკური განვითარების მნიშვნელოვანი წინაპირობაა.

შეხვედრას ასევე ესწრებოდნენ თეთრიწყაროს მუნიციპალიტეტის მერის პირველი მოადგილე გია ანთაძე, მერის მოადგილეები ლია ზურებიანი და რამაზ გულბანი, აგრეთვე მერიის სოფლის მეურნეობისა და ეკონომიკის განვითარების ხელშეწყობის სამსახურის წარმომადგენლები

თეთრიწყაროს მუნიციპალიტეტში, მარაბდის ველზე, სახალხო დღესასწაული „მარაბდობა 2026“ გაიმართა.

ღონისძიების ფარგლებში მოეწყო ეპოქის შესაბამისი დეკორაციები, მსახიობებმა ბრძოლის ისტორიული პერსონაჟები გააცოცხლეს და მოწვეული მსახიობების, ფოლკლორული თუ ქორეოგრაფიული ანსამბლებისა და ადგილობრივი შემოქმედებითი ჯგუფების მონაწილეობით თეატრალური წარმოდგენა - „სარწმუნოების ნათელი და გმირობის გზა“ წარმოადგინეს.

ღონისძიებას ქვემო ქართლში სახელმწიფო რწმუნებულის მოადგილეები, ნიკა კობახიძე და ავთანდილ ჭირიკიშვილი, თეთრიწყაროს მუნიციპალიტეტის მერთან, მიხეილ აფციაურთან, საქართველოს პარლამენტის წევრებთან, დავით შერაზადიშვილსა და გოდერძი ჩანქსელიანთან, ადგილობრივი თვითმმართველობის სხვა წარმომადგენლებსა და მოწვეულ სტუმრებთან ერთად ესწრებოდნენ.

ღონისძიების ბოლოს, საქართველოს ახალგაზრდულ ოლიმპიურ ფესტივალზე მიღწეული წარმატებისთვის, ადგილობრივი სპორტსმენები მადლობის სიგელებით დაჯილდოვდნენ.

26 მაისს თეთრიწყაროში თავისუფლების დღისადმი ღონისძიება გაიმართა

შპს ბიემსის სკრინინგის განცხადება

https://tetritskaro.gov.ge/files/uploads/bmsi.pdf

https://tetritskaro.gov.ge/files/uploads/28მთავარი ანგარიში.pdf

ბოლნისისა და თეთრიწყაროს მუნიციპალიტეტში მდინარე ხრამზე მშენებარე ნახიდურ ჰესის ჰიდრო ელექტრო სადგურის ექსპლუატაციის პირობების ცვლილებაზე სკრინინგის გადაწყვეტილების შესახებ

ბრძანება შპს ეკო ტურზე გაცემულული სასარგებლო წიაღისეულის მოპოვების N2072 - ლიცენზია ბრძანებით გათვალისწინებული წიაღისეულის ათვისების გეგმის დამტკიცების თაობაზე

თეთრიწყაროს მუნიციპალიტეტის ადმინისტრაციულ ერთეულებში 2026 წლის „სოფლის მხარდაჭერის პროგრამის“ ფარგლებში სოფლის კრებებისა და კონსულტაციების გამართვა 16 თებერვლიდან დაიწყება.

ქვემო ქართლში სახელმწიფო რწმუნებულმა, ილია ჯალაღანიამ, თეთრიწყაროს მუნიციპალიტეტის მერიის თანამშრომლებს ახლადარჩეული მერი, მიხეილ აფციაური წარუდგინა.

რეინჯერთა მსოფლიო დღე საქართველოში მასშტაბურად, 4 ლოკაციაზე აღინიშნა

გარემოს დაცვისა და სოფლის მეურნეობის სამინისტროს ველური ბუნების ეროვნული სააგენტოს ინიციატივით, „სახეობათა აღდგენის ეროვნული გეგმის“ ფარგლებში, ალგეთის ეროვნულ პარკში კეთილშობილი ირმის (Cervus elaphus maral) საშენი მეურნეობა გაიხსნა.

ქალაქ თეთრიწყაროში, ,,ციყვების პარკში" ქართული თანამედროვე მუსიკის კონცერტი გაიმართა, რომელშიც მონაწილეობდნენ თაკო გაჩეჩილაძე, დათუნა მგელაძე, ,,ევროვიზიის" კონკურსანტი - მარიამ შენგელია და ჯგუფი ,,მიქსტურა".