სიახლეების გამოწერა

„დემოკრატიის ინსტიტუტი“, „ევრაზიის თანამშრომლობის ფონდი“ და „ახალგაზრდა მეცნიერთა კავშირი-ინტელექტი“ ევროკავშირის მხარდაჭერითა და საქართველოს ოკუპირებული ტერიტორიებიდან იძულებით გადაადგილებულ პირთა, განსახლებისა და ლტოლვილთა სამინისტროსთან თანამშრომლობით ანხორციელებს პროექტს ,,ეკომიგრანტი და პოტენციური ეკომიგრანტი ოჯახების ადვოკატირების კამპანია“.

აღნიშნული პროექტის ფარგლებში თეთრიწყაროს მუნიციპალიტეტის გამგეობაში შედგა შეხვედრა,რომელსაც ესწრებოდნენ თეთრიწყაროს მუნიციპალიტეტის გამგებლის მოადგილე ლია ზურებიანი, საკრებულოს თავმჯდომარის მოადგილე დავით სარიევი და თეთრიწყაროს ადმინისტრაციულ ერთეულებში გამგებლის წარმომადგენლები.
პროექტი მიზანად ისახავს ეკომიგრანტებისა და პოტენციური ეკომიგრანტი ოჯახების სამართლებრივ და სოციალური მდგომარეობის გაუმჯობესების ხელშეწყობას და სტიქიის შედეგად დაზარალებული, განსახლებას დაქვემდებარებული ოჯახების აღრიცხვის სისტემის შექმნას.