სიახლეების გამოწერა

მიმდინარე წლის 22 ოქტომბერს ქვემო ქართლში სახელმწიფო რწმუნებულ-გუბერნატორის პირველმა მოადგილემ კახაბერ გუგეშაშვილმა, ქვემო ქართლში სახელმწიფო რწმუნებულ - გუბერნატორის ადმინისტრაციის რეგიონული პროექტების კოორდინირების სამსახურის უფროსმა გიორგი ხომერიკმა, თეთრიწყაროს მუნიციპალიტეტის გამგებელმა ბესიკ წიკლაურმა, გამგებლის პირველმა მოადგილემ ერეკლე კუხიანიძემ სხვა ხელმძღვანელ პირებთან ერთად ქ. თეთრწყაროში მიმდინარე და განხორციელებული ინფრასტრუქტურული პროექტები მოინახულეს.

დაათვალიერეს № 1 საბავშვო-ბაღში მიმდინარე სამშენებლო-სარეაბილიტაციო სამუშაოები, დეტალურად გაეცნენ ქ.თეთრწყაროში გორგასლის, კრწანისის და ჯავახიშვილის ქუჩებზე მიმდინარე სარეაბილიტაციო სამუშაოებს.
აღსანიშნავია, რომ თეთრიწყაროს მუნიციპალიტეტში ინფრასტრუქტურული პროექტების განხორციელება აქტიურად მიმდინარეობს.