სიახლეების გამოწერა

„C“ ჰეპატიტის ელიმინაცია საქართველოს შრომის, ჯანმრთელობისა და სოციალური დაცვის სამინისტროს და დაავადებათა კონტროლისა და საზოგადოებრივი ჯანმრთელობის ეროვნული ცენტრის ერთ-ერთ მთავარ პრიორიტეტს წარმოადგენს.

საზოგადოებრივი ჯანდაცვის ცენტრალური და ადგილობრივი სამსახურების ძალისხმევით და მხარდაჭერით, წარმატებით განხორციელდა მოსახლეობის სეროპრევალენტური პოპულაციური კვლევა და ასევე წარმატებული იყო „C“ ჰეპატიტზე სკრინინგის ღონისძიებები.
„C“ ჰეპატიტის ადრეული დიაგნოსტიკისა და მასთან ბრძოლის შემდგომი სტრატეგიის განსაზღვრისათვის, მიმდინარე წლის 18 ნოემბერს თეთრიწყაროს მუნიციპალიტეტს სამედიცინო მობილური ჯგუფი ეწვია და „C“ ჰეპატიტის უფასო სკრინინგი ჩაატარა. ნებისმიერ მსურველს საშუალება ჰქონდა ადგილზე ჩაეტარებინა გამოკვლევა (ტესტირება) და მიეღო ექიმის კონსულტაცია.
მსგავსი აქციის განხორციელება თეთრიწყაროს მუნიციპალიტეტში მომავალშიც არის დაგეგმილი.