სიახლეების გამოწერა

მიმდინარე წლის 26 ნოემბერს თეთრიწყაროს მუნიციპალიტეტის გამგეობის საკონფერენციო დარბაზში გაიმართა პროექტის „სტუდენტები თვითმმართველობისათვის“ ფარგლებში მუნიციპალიტეტის ტერიტორიაზე ჩატარებული კვლევის შედეგების შემაჯამებელი პრეზენტაცია.

აღიშნული პროექტი შეიმუშავა და განახორციელა არასამთავრობო ორგანიზაცია „მოქალაქე“-მ , რომელიც მიზანად ისახავდა : 
სტუდენტების ჩართვას სამოქალაქო საზოგადოების განვითარების პროცესში და მათი ჩართულობის ხელშეწყობით ადგილობრივი თვითმმართველობის განვითარების მხარდაჭერას, თვითმმართველობის საკითხებში ახალგაზრდა პროფესიონალების მომზადებას. ამ მიზნის მისაღწევად გათვალისწინებული იყო: სტუდენტების მიერ მუნიციპალიტეტებში საჭიროებების შესწავლა/ანალიზი, მუნიციპალიტეტების განვითარების გეგმის და ადგილობრივი ბიუჯეტის ალტერნატიული პროექტების შემუშავება, სტუდენტთა პროფესიული განვითარების ხელშეწყობა, თვითმმართველობის არსის და ადგილობრივი საბიუჯეტო პროცესის გაცნობა.
პროექტის ფარგლებში 2015 წლის თებერვალში საქართველოს საპატრიარქოს წმინდა ანდრია პირველწოდებულის სახელობის "ქართული უნივერსიტეტი"-ს სტუდენტების მიერ, მუნიციპალიტეტის 21 დასახლებულ პუნქტში ჩატარდა მოსახლეობის პრობლემების და საჭიროებების შესწავლა ,რომლის საფუძველზე მომზადდა ანალიტიკური დოკუმენტი „მუნიციპალიტეტის პრობლემები და საჭიეროებები“ და კონცეპტუალური დოკუმენტი „მუნიციპალიტეტის განვითარების ხედვა“, სადაც ასახულია გამოვლენილი პრობლემების დაძლევის გზები და მუნიციპალიტეტის განვითარების გეგმა.