სიახლეების გამოწერა

„ნარინჯისფერი მსოფლიო-შეწყვიტე ძალადობა ქალებსა და გოგონების მიმართ!“ მსოფლიოს მასშტაბით მიმდინარე აქციას, შეუერთდა თეთრიწყაროს მუნიციპალიტეტი. აქციის ფარგლებში ადგილობრივი თვითმმართველობის ორგანიზებით, შვეიცარიის განვითარებისა და თანამშრომლობის სააგენტოს (SDC) და მერსი ქორფსის მხარდაჭერით, თეთრიწყაროს მუნიციპალიტეტის საკონფერენციო დარბაზში გაიმართა 45 წუთიანი ქართული დოკუმენტური ფილმის „ხმა ამოიღე!“-ს (Speak Out!) ჩვენება.

ფილმი დაფუძნებულია რეალურ ფაქტებზე და ნაჩვენებია საზოგადოების დამოკიდებულება მოძალადესა და მსხვერპლის მიმართ, გმირები თავად გვიამბობენ იმ ფსიქოლოგიურ და ფიზიკურ ძალადობაზე, რაც საკუთარ თავზე განიცადეს, ფილმის ჩვენების შემდეგ გაიმართა დისკუსია, მონაწილეებმა საკუთარი სლოგანი „არა ძალადობას“ ფურცელზე გადაიტანეს და სიმბოლურად ნარინჯისფერი საღებავით ანაბეჭდები დატოვეს.
ღონისძიება 16 დღიანი აქციის ფარგლებში ჩატარდა „ქალთა და გოგონათა ძალადობის წინააღმდეგ“. ეს აქცია მთელი მსოფლიოს მასშტაბით იმართება 25 ნოემბრიდან 10 დეკემბრის ჩათვლით.