სიახლეების გამოწერა

დაბა მანგლისში, კლდეკარის ქუჩაზე, ეკლესიისა და ბაზრის მიმდებარე გზის მოწყობის სამუშაოები დასრულების ეტაპზეა. პროექტის ფარგლებში მოეწყო ასფალტბეტონის გზა, ტროტუარებით, ცხაურებითა და სანიაღვრეებით.

თეთრიწყაროს მუნიციპალიტეტის მერმა, გიორგი წიკლაურმა, მანგლისის დეპუტატთან და მერის წარმომადგენელთან ერთად მიმდინარე სამუშაოები დაათვალიერა და ადგილობრივ მოსახლეობას შეხვდა. ადგილობრივებმა აღნიშნეს, რომ წლების განმავლობაში კლდეკარის ქუჩაზე გადაადგილება თითქმის შეუძლებელი იყო და მსგავსი პროექტების განხორციელება ხელს შეუწყობს მათი ცხოვრების პირობების გაუმჯობესებას.

აღნიშნული პროექტი, როგორც ცენტრალური, ისე ადგილობრივი ბიუჯეტიდან ფინანსდება.