სიახლეების გამოწერა

ინფრასტრუქტურული პროექტის მიმდინარეობის პროცესი ქვემო ქართლში სახელმწიფო რწმუნებულმა, გიორგი დოხტურიშვილმა, საქართველოს პარლამენტის წევრთან, ბოლნისის, დმანისის, თეთრიწყაროს და წალკის დელეგატთან, დავით შერაზადიშვილთან და მერთან, გიორგი წიკლაურთან ერთად მოინახულა.

პროექტის ფარგლებში შენობის პირველ სართულზე გათვალისწინებულია ტრანსფორმირებადი მოედანი, რომელიც გამოიყენება როგორც კალათბურთის, ფეხბურთისა და სხვა სპორტული აქტივობებისათვის, ასევე კულტურული ღონისძიებების ჩასატარებლად. მეორე სართულზე განთავსებული იქნება ცეკვისა და მუსიკის ოთახები, სამუშაო ოთახები, ასევე ბიბლიოთეკა, გამოსაცვლელები და სველი წერტილები. შენობა მთლიანად ადაპტირებული იქნება შშმ პირთათვის.

თანამედროვე, მათ საჭიროებებზე მორგებული სივრცით 350 ბენეფიციარი შეძლებს სარგებლობას.

პროექტი ადგილობრივი ბიუჯეტით ფინანსდება და მისი ღირებულება 3 222 000 ლარს შეადგენს.

მიმდინარე სამუშაოებს რწმუნებულთან ერთად, მისი მოადგილე ილია ჯალაღანია და ადგილობრივი ხელისუფლების სხვა წარმომადგენლები ადგილზე გაეცნენ.