სიახლეების გამოწერა

6 აგვისტოს, ქვემო ქართლში სახელმწიფო რწმუნებულ-გუბერნატორი პაატა ხიზანაშვილი, ადმინისტრაციის აპარატის უფროსის მოადგილე ლევან ჟვანია, თეთრიწყაროს მუნიციპალიტეტის გამგებელი ბესიკ წიკლაური, საკრებულოს თავმჯდომარე გოჩა თედორაძე,საქართველოს ძალოსნობის ფედერაციის პრეზიდენტი კახი კახიაშვილი, ძიუდოს, ჯიუ-ჯიცუს და საბრძოლო სამბოს აკადემიის დამფუძნებელი ამერიკაში ზურაბ ბეკოშვილი, ა.ა.ი.პ. ,,თეთრიწყაროს მუნიციპალიტეტის სპორტული სკოლის“ დირექტორი ბუხულა გარდაფხაძე და ჯანდაცვის და სოც უზრუნველყოფის, განათლების, კულტურის, სპორტისა და ახალგაზრდულ საქმეთა სამსახურის უფროსი ვაჟა სულხანიშვილი სპორტული დარბაზების ინფრასტრუქტურას გაეცნენ და სპორტის სფეროში განსახორციელებელ სიახლეებზე ისაუბრეს.

დღის განმავლობაში მათ მოინახულეს თეთრიწყაროს მუნიციპალიტეტში ძალისმიერი სპორტის სექციების 3 დარბაზი.ძალოსნობის ფედერაციისა და სპორტის და ახალგაზრდობის საქმეთა სამინისტროს მხარდაჭერით უახლოეს პერიოდში მუნიციპალიტეტში სპორტული დარბაზების კეთილმოწყობა და საჭირო ინვენტარით აღჭურვა დაიწყება.
ქვემო ქართლში სახელმწიფო რწმუნებულ-გუბერნატორის ინიციატივით ქვემო ქართლის ყველა მუნიციპალიტეტში ჩამოყალიბდება აღმოსავლური ორთაბრძოლების შემსწავლელი ჯგუფები, რომლებშიც მსურველები უფასოდ ივარჯიშებენ და საერთო ფიზიკური მომზადების დონეს აიმაღლებენ.