მთავარი
ბიუჯეტი
ტენდერი
პროექტები
აუქციონი
პეტიციის დამატება
გამოკითხვა
ფოტო გალერეა
თეთრიწყაროს მუნიციპალიტეტის სოფელ გოლთეთში 210 მოსწავლეზე გათვლილი ახალი საჯარო სკოლა საზეიმოდ, ეროვნული ჰიმნის ფონზე გაიხსნა. თანამედროვე სტანდარტების შესაბამისი სკოლის გახსნას, მუნიციპალიტეტის მერი გიორგი წიკლაური რესურსცენტრის უფროსთან ზურაბ აზარიაშვილთან ერთად დაესწრო და მოსწავლეებს პედაგოგებსა და მშობლებს ახალი სასწავლო წლის დაწყება და განახლებულ სკოლის შენობაში სწავლის გაგრძელება პირადად მიულოცა.
პროექტის მიხედვით მოეწყო საკლასო ოთახები, მრავალფუნქციური ლაბორატორიული ოთახი, სველი წერტილები, პანდუსები, ლიფტი, გასახდელები, დამონტაჟდება გათბობის, წყალსადენის და საკანალიზაციო სისტემები, ასევე კეთილმოეწყო ეზოს ტერიტორია.
აღსანიშნავია, რომ სკოლა გათვლილია 210 მოსწავლეზე და სრულად არის ადაპტირებული შეზღუდული შესაძლებლობების მქონე პირთათვის.
აღნიშნული პროექტის ღირებულება 2 516 486.77 ლარს შეადგენს.
თეთრიწყაროს მუნიციპალიტეტის მერი გიორგი წიკლაური ქალაქ თეთრიწყაროს N2 და ეთნიკურად აზერბაიჯანული სოფლის, ქოსალარის საჯარო სკოლაშიც იმყოფებოდა.
ახალი სასწავლო წლის დაწყებას მუნიციპალიტეტის ადმინისტრაციულ ერთეულებში მოქმედ საჯარო სკოლებში სოფლის რწმუნებულები და მაჟორიტარი დეპუტატები ესწრებოდნენ.
