მთავარი
ბიუჯეტი
ტენდერი
პროექტები
აუქციონი
პეტიციის დამატება
გამოკითხვა
ფოტო გალერეა
საქართველოს პრემიერ-მინისტრი ირაკლი ღარიბაშვილი დიდგორობის სახალხო დღესასწაულს ქვემო ქართლში სახელმწიფო რწმუნებულთან გიორგი დოხტურიშვილთან და თეთრიწყაროს მუნიციპალიტეტის მერთან გიორგი წიკლაურთან ერთად დაესწრო.
დიდგორის ბრძოლას ქართველთა მრავალსაუკუნოვან ისტორიაში გამორჩეული ადგილი უკავია.
ქართველი ერი ყოველთვის მოწიწებით იხსენიებს დიდგორის გმირებს, სათანადო პატივს მიაგებს სამშობლოსათვის დაღუპული მამულიშვილების ხსოვნას და ყოველ წელს ზეიმობს დიდგორობას.
ტრადიციულად, წელსაც თეთრიწყაროს მუნიციპალიტეტში დიდგორობის სადღესასწაულო ღონისძიება დატვირთული იყო სხვადასხვა კულტურული და სპორტული ღონისძიებებით. საზოგადოების წინაშე წარმოდგენილნი იყვნენ სოლოშემსრულებლები და სახელმწიფო ანსამბლები.
ღონისძიების ფარგლებში თავდაცვის მინისტრმა, ჯუანშერ ბურჭულაძემ საომარი და საბრძოლო მოქმედებების დროს გაბედული მოქმედებებისათვის, ლიდერის თვისებებისა და თანამებრძოლის სიცოცხლის გადარჩენისთვის გამოჩენილი სიმამაცისთვის, მედალი „დიდგორის ჯვარი“გადასცა:
პოლკოვნიკ - ოთარ დოლიძეს;
მასტერ სერჟანტს - გენრი სიმსივეს;
სერჟანტ - ალექსანდრე ქოთოლაშვილს.
ღონისძიებას, ცენტრალური და ადგილობრივი ხელისუფლების წარმომადგენლებთან ერთად ქვემო ქართლში სახელმწიფო რწმუნებული გიორგი დოხტურიშვილი და ქვემო ქართლის მუნიციპალიტეტების მერები ესწრებოდნენ.
