სიახლეების გამოწერა

22 სექტემბერს, საქართველოს კულტურისა და ძეგლთა დაცვის სამინისტროს მხარდაჭერით, ქ. თეთრიწყაროს გამგეობის სააქტო დარბაზში, თბილისის სახელმწიფო კამერული ორკესტრის „საქართველოს სინფონიეტას“ მონაწილეობით გაიმართა კამერული მუსიკის კონცერტი.

კონცერტს, რომელსაც მაესტრო კრისტოფ მაიერმა უდირიჟორა, თეთრიწყაროს მუნიციპალიტეტის ადგილობრივი თვითმმართველობის ხელმძღვანელობა და ადგილობრივი მოსახლეობა ესწრებოდა.
22-27 სექტემბერს, საქართველოს კულტურისა და ძეგლთა დაცვის სამინისტროს მხარდაჭერით, თბილისის სახელმწიფო კამერული ორკესტრი „საქართველოს სინფონიეტა“ საგასტროლო ტურნეს საქართველოს ექვს რეგიონში გამართავს. ტურნეს ფარგლებში, დაგეგმილია ბაროკოს მუსიკის კონცერტები, რომელსაც მაესტრო კრისტოფ მაიერი უხელმძღვანელებს. მსმენელი გაიზიარებს ევროპული საშემსრულებლო ხელოვნების ისტორიულ ტექნიკას და მოისმენს ბაროკოს ეპოქის ავთენტურ ჟღერადობას. საგასტროლო ტურნეს დასკვნითი კონცერტები წინანადალსა და თბილისში გაიმართება.