სიახლეების გამოწერა

თეთრიწყაროს მუნიციპალიტეტში შეუფერხებლად მიმდინარეობს სამელიორაციო სამუშაოები, რომელიც ალგეთი-ტბისი-კუმისის მაგისტრალურ ქსელზე, სოფელ ასურეთის გამანაწილებლის რეაბილიტაციას ითვალისწინებს. შედეგად, სარწყავი წყლის მიწოდების გრაფიკი 120ჰა სასოფლო-სამეურნეო მიწის ფართობზე გაუმჯობესდება.

სამუშაოების მიმდინარეობის პროცესს, მუნიციპალიტეტის ხელმძღვანელი პირები შპს საქართველოს მელიორაციის წარმომადგენელთან ერთად ადგილზე პირადად გაეცნენ. აღსანიშნავია რომ, რეაბილიტაცია უკვე ჩაუტარდა მეწყერის შედეგად დაზიანებულ მაგისტრალურ ქსელს, რომელიც 700ჰა სასოფლო-სამეურნეო მიწის ფართობს ასარწყავებს.

შპს საქართველოს მელიორაცია, სარეაბილიტაციო სამუშაოებს, ჯანდაცვის სამინისტროს რეკომენდაციების შესაბამისად, წესების სრული დაცვით ახორციელებს.