სიახლეების გამოწერა

ქვეყანაში მოქმედი საგანგებო მდგომარეობის მიუხედავად, თეთრიწყაროს მუნიციპალიტეტის სოფელ ვაშლოვანში მცხოვრები ახალგაზრდა ფერმერი, გოდერძი მაისურაძე, ჩვეულ რეჟიმში აგრძელებს სასოფლო-სამეურნეო საქმიანობას. ისევე როგორც სოფლის მოსახლეობის უდიდესი ნაწილი, ახალგაზრდა ფერმერიც აქტიურად არის ჩართული საოჯახო მეურნეობაში და ეწევა მწვანილის წარმოება-რეალიზაციას.

მისი განცხადებით მწვანილის წარმოება სოფლის მოსახლეობის შემოსავლის ძირითადი წყაროა. ამასთანავე, მოსახლეობას პროდუქციის რეალიზაციის მნიშვნელოვანი პრობლემა ამ პერიოდის განმავლობაში არ შექმნია და ადგილობრივი ხელისუფლებისგან მიღებული სპეციალური ნებართვით, ახერხებდნენ წარმოებული პროდუქციის მიწოდებას ქ. თბილისის ბაზარზე.