სიახლეების გამოწერა

სოფელ ენაგეთში, საღრაშენსა და ჯვარაში ახალი საჯარო სკოლების მშენებლობა მიმდინარეობს. პროექტი ითვალისწინებს 60 მოსწავლეზე გათვლილი ახალი სკოლების მშენებლობას. პროექტის ფარგლებში მოეწყობა: საკლასო ოთახები, კლასლაბორატორიები ,ბიბლიოთეკები და კომპიუტერული კლასის საერთო სათავსები, ღია ხელოვნურსაფარიანი სპორტული მოედნები და კეთილმოეწყობა ეზოს ტერიტორია. ასევე, დამონტაჟდება გათბობის, წყალსადენის და კანალიზაციის სისტემები.

სკოლები საერთაშორისო სტანდარტების შესაბამისად სრულად იქნება ადაპტირებული შეზღუდული შესაძლებლობის მქონე პირებისთვის.

მიმდინარე სამუშაოებს ადგილზე გაეცნენ: ქვემო ქართლში სახელმწიფო რწმუნებული შოთა რეხვიაშვილი, თეთრიწყაროს მუნიციპალიტეტის მერი გიორგი ქორიძე და ადგილობრივი ხელისუფლების სხვა წარმომადგენლები.

სამშენებლო სამუშაოები გასული წლის ოქტომბერში დაიწყო და დასრულება ხელშეკრულებით აგვისტოშია გათვალისწინებული.პროექტების მთლიანი სახელშეკრულებო ღირებულება 3 189 681 ლარს შეადგენს. პროექტები საქართველოს მუნიციპალური განვითარების ფონდის მიერაა დაფინანსებული.