სიახლეების გამოწერა

16 აგვისტო 9 ძმა ხერხეულიძისა და მარაბდის ბრძოლაში დაღუპულ გმირთა ხსენების დღეა. თეთრიწყაროს მუნიციპალიტეტის სოფელ მარაბდაში, წმინდა მარინეს სახელობის ტაძარში, დილიდან მღვდელმსახურება შესრულდა, ტაძრის ეზოში, 9 ძმა ხერხეულიძის საფლავთან შეკრებილმა საზოგადოებამ, პატივი მიაგო მარაბდის ბრძოლაში გარდაცვლილ გმირთა ხსოვნას. თეთრიწყაროს მუნიციპალიტეტის მერის მოადგილეებმა: მალხაზ სამაშვილმა, ბერდია ხვისტანმა და ა.ა.ი.პ. კულტურისა და სპორტის ცენტრის დირექტორმა დავით ყაზახაშვილმა, გვირგვინით შეამკეს 9 ძმა ხერხეულიძის საფლავი და მერიის თანამშრომლებთან ერთად, სავედრებელ პარაკლისს დაესწრნენ.

1625 წელს მარაბდის ბრძოლაში, მამულისთვის თავდადებული ცხრა ათასი ქართველი, მათ შორის: ცხრა ძმა ხერხეულიძე, მათი დედა, და, დავით ჯანდიერი, თეიმურაზ მუხრანბატონი, ბაადურ ციციშვილი, ეპისკოპოსები — რუსთველი და ხარჭაშნლი, ცხრა მაჩაბელი, შვიდი ჩოლოყაშვილი, საქართველოს ეკლესიამ წმიდანებად შერაცხა და მათი ხსენების დღედ 16 აგვისტო დააწესა.