სიახლეების გამოწერა

2015 წლის 13 ივნისის სტიქიური მოვლენების შედეგად, თეთრიწყაროს მუნიციპალიტეტის სოფელ წყლულეთში დაზიანდა მისასვლელი საავტომობილო გზა, დაინგრა მილხიდები და სანიაღვრე არხები.

საავტომობილო გზის რეაბილიტაცია განახორციელა საქართველოს რეგიონალური განვითარებისა და ინფრასტრუქტურის სამინისტროს შპს „სახელმწიფო-სამშენებლო კომპანია“-მ. 
სტიქიის შედეგების სალიკვიდაციო ღონისძიებების განხორციელების მიზნით, საქართველოს მთავრობის 2015 წლის 29 ივნისის № 1381 განკარგულებით გამოყოფილი თანხით, 14 სექტემბერს დაიწყო სოფ. წყლულეთში მილხიდების, გაბიონების და სანიაღვრე არხების მშენებლობის სამუშაოები, რომლის დასრულება გათვალისწინებულია 2015 წლის 13 ნოემბერს. პროექტის ღირებულება 169764,06 ლარს შეადგენს.