სიახლეების გამოწერა

23 მაისს, ა.ა.ი.პ. თეთრიწყაროს სპორტული სკოლის შოტოკან კარატე-დოს ოლიმპიური სახეობის სექციის მოსწავლეებმა, სხვადასხვა კატეგორიის ქამრების მისაღებად, გამოცდები წარმატებით ჩააბარეს. ღონისძიებას ესწრებოდნენ: საქართველოს კარატეს ეროვნული ფედერაციის გენერალური მდივანი მიშა მახარაძე, თეთრიწყაროს მუნიციპალიტეტის მერის მოადგილე ბერდია ხვისტანი, საკრებულოს თავმჯდომარის მოადგილე ავთანდილ მუხაშავრია, მერიის ჯანდაცვისა და სოციალური უზრუნველყოფის, განათლების, კულტურის, სპორტისა და ახალგაზრდულ საქმეთა სამსახურის უფროსი ვაჟა სულხანიშვილი.

აღსანიშნავია, რომ თეთრიწყაროს სპორტული სკოლის კარატე-დოს სექციის მოსწავლეებმა, ადგილობრივი თვითმმართველობის ხელშეწყობით და მწვრთნელების: მინდია აფციაურის და ვასო მაღლაკელიძის დამსახურებით, ეროვნულ და საერთაშორისო დონეზე არაერთ წარმატებას მიაღწიეს. სკოლას სხვადასხვა ასაკობრივ კატეგორიაში ჰყავს მსოფლიო თასის გამარჯვებულები, ევროპის ჩემპიონები, მსოფლიოს პრიზიორები და საქართველოს ჩემპიონები.

ა.ა.ი.პ. თეთრიწყაროს სპორტული სკოლა ადგილობრივ ბავშვებს, უფასოდ სთავაზობს - შოტოკან კარატე-დოს საბრძოლო ხელოვნების დაუფლებას.