სიახლეების გამოწერა

15 მაისს, ქვემო ქართლში სახელმწიფო რწმუნებულმა შოთა რეხვიაშვილმა, პირველმა მოადგილემ ზვიად ჭუნაშვილმა და მუნიციპალიტეტის მერმა გიორგი ქორიძემ თეთრიწყაროს მუნიციპალიტეტში საგზაო ინფრასტრუქტურის მოწესრიგების მიზნით მიმდინარე პროექტები მოინახულეს. რეგიონის და მუნიციპალიტეტის წარმომადგენლები ადგილზე გაეცნენ სოფელ ვაშლოვნის სოფელ კოდასთან დამაკავშირებელი, 4,7 კმ-იანი საავტომობილო გზის მშენებლობის სამუშაოებს, ასევე დაათვალირეს ქ.თეთრიწყაროში შიდა გზების მიმდინარე სარეაბილიტაციო სამუშაოები და სოფელ ასურეთში რუსთაველის ქუჩის ახლადრეაბილიტირებული 1 კმ-იანი საავტომობილო გზა. აღსანიშნავია, რომ პროექტის მიხედვით, სოფელ ვაშლოვანში მისასვლელ საავტომობილო გზაზე მოეწყობა ბეტონის საფარი. შედეგად, უსაფრთხო და კომფორტული გადაადგილების პირობით ისარგებლებს, სოფელ ვაშლოვანსა და ერტისში მხოვრები 1000-მდე პირდაპირი ბენეფიციარი. პროექტის განხორციელებაზე 2 მილიონამდე ლარი დაიხარჯება. შიდა გზების რეაბილიტაცია მიმდინარეობს ქ. თეთრიწყაროში გურამიშვილის, წმინდა ნინოს (ჩიხებით), ჭავჭავაძის, მარაბდის და აბანოს ქუჩებზე, შედეგად მოასფალტდება 2 კმ-ზე მეტი საავტომობილო გზა.