მთავარი
ბიუჯეტი
ტენდერი
პროექტები
პეტიციის დამატება
გამოკითხვა
ფოტო გალერეა
დედამიწის საერთაშორისო დღესთან დაკავშირებით მიმდინარე მსოფლიო კამპანიას „დედამიწა ჩემი სახლია“ თეთრიწყაროს მუნიციპალიტეტის საჯარო სკოლები გარემოსდაცვითი აქციებით შეუერთდნენ.
კოდის საჯარო სკოლის მოსწავლეებმა და პედაგოგებმა დაასუფთავეს კოდისა და მუხათის ტერიტორიაზე მდებარე ეკლესიების მიმდებარე ტერიტორიები, ვასილ ბარნოვისა და 9 აპრილს დაღუპულთა სახელობის სკვერები და მსოფლიო ომში მონაწილეთა ობელისკის ტერიტორია. თეთრიწყაროს მუნიციპალიტეტის სოფელ საღრაშენის საჯარო სკოლის მოსწავლეებმა და პედაგოგებმა საოფაცხოვრებო ნარჩენებისაგან დაასუფთავეს ფარცხისის ციხის მიმდებარე ტერიტორია.
სოფელ ჭივჭავის საჯარო სკოლამ, დედამიწის დღესთან დაკავშირებით გარემოსდაცვითი ღონისძიება გამართა სახელწოდებით "დედამიწა ჩვენი სახლია". მოსწავლეებმა გარემოსდავცითი ცნობიერების ამაღლების მიზნით სპეციალური საინფორმაციო ბარათები განათავსეს სოფელში და მოაწესრიგეს ჭივჭავის მთავარანგელოზის მიქაელისა და გაბრიელის სახელობის ეკლესიის ეზო.
ერტისის საჯარო სკოლაში დედამიწის დღესთან დაკავშირებით მოსწავლეთა თვითმართველობამ მე-10 კლასის მოსწავლის ნოდარ ზაუტაშვილის ხელმძღვანელობით, განახორციელა პროექტი, სახელწოდებით ,,დედამიწის ჩივილი", რომლის ფარგლებშიც, მოსწავლეებმა და პედაგოგებმა დაასუფთავეს სკოლის და ამბულატორიის მიმდებარე ტერიტორიები, მოაწესრიგეს სანიაღვრე არხი და ღია სპორტული მოედანი. დედამიწის საერთაშორისო დღე აღნიშნეს სოფელ სამღერეთში. სკოლის მოსწავლეებმა და პედაგოგებმა დაასუფთავეს მე-2 მსოფლიო ომში დაღუპულთა მემორიალის ტერიტორია. საყოფაცხოვრებო ნარჩენებისაგან დაასუფთავეს სკოლის მიმდებარე ტერიტორია სოფელ მარაბდის საჯარო სკოლის მოსწავლეებმა და პედაგოგებმა.
სოფლ ქოსალარის სკოლის მოსწავლეებმა და პედაგოგებმა საყოფაცხოვრებო ნარჩენებისაგან დაასუფთავეს სკოლის მიმდებარე ტერიტორია. თეთრიწყაროს მუნიციპალიტეტის სოფელ ბოგვის საჯარო სკოლის მოსწავლეებმა, დედამიწის დღესთან დაკავშირებით, დაასუფთავეს სკოლის მიმდებარე ტერიტორია დასუფთავების აქცია გამართეს წინწყაროს საჯაროს სკოლის მოსწავლეებმა და პედაგოგებმა, რომლის ფარგლებშიც, დასუფთავდა სკოლის მიმდებარე ტერიტორია. დედამიწის დღესთან დაკავშირებით, სოფელ სამშვილდის საჯარო სკოლის პედაგოგებმა და მოსწავლეებმა დაასუფთავეს სკოლის მიმდებარე ტერიტორია.
