სიახლეების გამოწერა

2015 წლის 17 ნოემბრიდან ქ. თეთრიწყაროში მდებარე სამედიცინო ცენტრში ფუნციონირებას დაიწყებს თერაპიული სტაციონარი. პაციენტების მომსახურების დონის სრულყოფის მიზნით, დაწყებულია სამედიცინო პერსონალის ტრენინგი.

მიმდინარე წელს დაგეგმილია ოფთალმოლოგიური სამსახურის ამუშავება, რის შემდგომ, ულტრათანამედროვე დონეზე ჩატარდება უნაკერო მცირე ოპერაციები (კატარაქტა).
დაგეგმილია წლის ბოლომდე სტაციონარული ქირურგიული სამსახურის ამუშავებაც.
ამჟამად, სამედიცინო აპარატურის თვალსაზრისით კლინიკის სრული რეაბილიტაცია დასრულებულია. მუშაობს ამბულატორიული და გადაუდებელი სამედიცინო დახმარების სერვისი, თუმცა ამ უკანასკნელის სრულყოფისათვის მიმდინარეობს სარემონტო სამუშაოები, რომელიც დასრულდება ერთი კვირის ვადაში.
ქ. თეთრიწყაროში მდებარე სამედიცინო ცენტრის გამოსყიდვა მოხდა 2015 წლის აპრილის ბოლოს, კერძო კომპანიისგან. გაფორმებული ხელშეკრულების თანახმად, მათ ევალებოდათ ინფრასტრუქტურის, არსებულ სანებართვო პირობებთან შესაბამისობაში მოყვანა, რისთვისაც მიცემულ იქნა 4 თვიანი ვადა.