სიახლეების გამოწერა

2015 წლის 28 სექტემბერს, ქვემო ქართლის სახელმწიფო რწმუნებულის-გუბერნატორის პაატა ხიზანაშვილის ინიციატივით და თეთრიწყაროს მუნიციპალიტეტის გამგებლის ბესიკ წიკლაურის მხარდაჭერით, საქველმოქმედო აქციის ფარგლებში ქ. თეთრწყაროს სტუმრობდა ჯავრიშვილის თვალის კლინიკა „ოფთალმიჯი“ (ექიმი ოფთალმოლოგი ნიკა მამასახლისი).

თეთრიწყაროს მუნიციპალიტეტის მოსახლეობას უფასოდ ჩაუტარდა მაღალი ხარისხის ოფთალმოლოგიური გამოკვლევები და მოხდა შემდეგი სახის დიაგნოსტიკა: ვიზომეტრია - მხედველობის შემოწმება, სათვალის შერჩევა, ბიომიკროსკოპია, თვალის ფსკერის გამოკვლევა, პანომეტრია. 
12-13 ნოემბერს ქ. თეთრიწყაროში გამოკვლევების შედეგად შერჩეულ თვალის (კატარაქტის) ოპერაციის საჭიროების მქონე 27 პაციენტს, 
ჩაუტარდა კატარაქტის უფასო ოპერაცია. სამედიცინო ხარჯების ნაწილი დაიფარა საყოველთაო დაზღვევის პროგრამის ფარგლებში, ხოლო ის თანხა, რაც პაციენტს უნდა გადაეხადა, სრულად აანაზღაურა თეთრიწყაროს მუნიციპალიტეტის გამგეობამ. 
მუნიციპალიტეტის გამგეობა მადლიერებას გამოხატავს ჯავრიშვილის თვალის კლინიკა „ოფთალმიჯი“-ს ხელმძღვანელობის და მედპერსონალის მიერ გამოჩენილი გულისხმიერებისათვის.