სიახლეების გამოწერა

საქართველოს ოკუპირებული ტერიტორიებიდან იძულებით გადაადგილებულ პირთა, განსახლებისა და ლტოლვილთა მინისტრმა სოზარ სუბარმა თეთრიწყაროს მუნიციპალიტეტის სოფელ წინწყაროში, „სოფლად სახლის“ პროექტის ფარგლებში, დევნილი ოჯახებისათვის შესყიდული საცხოვრებელი სახლები მოინახულა.აღნიშნული პროექტის ფარგლებში 2012 წლიდან დღემდე, სამინისტრომ კერძო სახლი 510 დევნილი ოჯახისათვის შეისყიდა, მათ შორის 92 ქვემო ქართლის რეგიონში.

დევნილმა ოჯახებმა „სოფლად სახლის“ პროექტის ფარგლებში , სახლები თავისი სურვილის მიხედვით შეარჩიეს. 
დევნილთა და განსახლების მინისტრი სოზარ სუბარი, სპორტისა და ახალგაზრდობის მინისტრი ტარიელ ხეჩიკაშვილი , ქვემო ქართლის გუბერნატორის პირველი მოადგილე კახაბერ გუგეშაშვილი , თეთრიწყაროს მუნიციპალიტეტის გამგებელი ბესიკ წიკლაური,გამგებლის მოადგილე ლია ზურებიანი და თეთრიწყაროს მუნიციპალიტეტის საკრებულოს თავმჯდომარე გოჩა თედორაძე საღლიანების, კალანდიების, ქოჩქიანების ოჯახებს შეხვდნენ და საჩუქრები გადასცეს.
აღნიშნული ვიზიტის ფარგლებში მინისტრები, მუნიციპალიტეტის გამგებელი და სხვა ხელმძღვანელი პირები სოფელ სამღერეთის სკოლასაც ეწვივნენ და სკოლის მოსწავლეებს წიგნები და სპორტული ინვენტარი გადასცეს. სამღერეთის სკოლაში ამჟამად 75 ეკომიგრანტი ბავშვი სწავლობს.