სიახლეების გამოწერა

  3 აგვისტოს თეთრიწყაროს მუნიციპალიტეტის სოფელ არხოტში კონკურსი შეხვეტილას თემის სოფლებს შორის „სოციალური პროექტების შედგენა“ გაიმართა.
კონკურსში მონაწილეობა მიიღო შეხვეტილას თემის 9 სოფელმა. ჟიურიმ აღნიშნული კონკურსის მონაწილე სოფლებიდან გამოვლინდა 5 გამარჯვებული სოფელი:
არხოტი: „სარწყავი და სასმელი წყლის რეაბილიტაცია/გაკეთება“ - 4000 ევრო
ჯვრისხევი: „სასოფლო-სამეურნეო ტექნიკის, სათიბელას შეძენა“ – 3500ევრო
ქვემო ჭინჭრიანი: „ხის მასალის შეძენა საყოფაცხოვრებო პირობების გასაუმჯობესებლად“ – 3400ევრო
დიდი ნამტვრიანი: „ხის მასალის შეძენა საყოფაცხოვრებო პირობების გასაუმჯობესებლად“- 2100 ევრო
კოდისწყარო „სატვირთო მანქანისთვის ნაწილების შეძენა“ – 2000 ევრო
ღონისძიება „დაცული ტერიტორიების მხარდაჭერის პროგრამა კავკასიაში - საქართველო“-ს (SPPA-საქართველო) პროგრამის ფარგლებში, ალგეთის ეროვნული პარკის მეგობართა ასოციაციის დახმარებით განხორციელდა.
პროგრამის ეფექტური მართვისთვის შეიქმნა მრჩეველთა რეგიონული საბჭო -ალგეთი, რომლის შემადგენლობაში შედიან: თეთრიწყაროს მუნიციპალიტეტის მერიის, საკრებულოს და ალგეთის ეროვნული პარკის ადმინისტრაციის წარმომადგენლები. 
SPPA-საქართველო წარმოადგენს 5 წლიან პროგრამას (2014-2019), რომელიც დაფინანსებულია KFW განვითარების ბანკის მიერ და რომლის მიზანია ოთხი დაცული ტერიტორიის - ალგეთის, ყაზბეგის, კინტრიშისა და ფშავ-ხევსურეთის განვითარებისა და მიმდებარე მოსახლეობის სოციალურ-ეკონომიკური მდგომარეობის გაუმჯობესების ხელშეწყობა.