სიახლეების გამოწერა

  სპეციალური საჭიროებების მქონე ბავშვთა უფლებების დაცვის მიზნით, 27 ივნისს თეთრიწყაროს მუნიციპალიტეტის მერიაში, ორგანიზაციამ ,,ინიციატივა რეგიონალური განვითარებისთვის“ პროექტის ,,ერთად ერთმანეთისთვის“ ფარგლებში, საინფორმაციო შეხვედრა გამართა ადგილობრივი თვითმმართველობის და სამოქალაქო სექტორის წარმომადგენლებთან.

ორგანიზაციის წარმომადგენლებმა შშმ ბავშვთა მშობლებთან ერთად იმსჯელეს თეთრიწყაროს მუნიციპალიტეტში ამ მიმართულებით არსებული გამოწვევების შესახებ და პრობლემების გადაჭრის მიზნით, განიხილეს სამომავლო თანამშრომლობის გზით, მუნიციპალიტეტში ფსიქო-სოციალური რეაბილიტაციის დღის ცენტრის დაარსების შესაძლებლობა.

აღნიშნული პროექტი ხორციელდება 2018 წლის თებერვლიდან „ინიციატივა რეგიონალური განვითარებისთვის“ მიერ პარტნიორ ორგანიზაციასთან „ბავშვი,ოჯახი, საზოგადოება“ ერთად და მიზნად ისახავს შშმ ბავშვთა განვითარების ხელშემწყობ სოციალურ საკითხებზე ადგილობრივი თვითმმართვლობის ინფორმირებას და ამ კატეგორიის ბავშვთა საჭიროებების ასახვას ადგილობრივ ბიუჯეტში.

საინფორმაციო შეხვედრას ესწრებოდნენ: თეთრიწყაროს მუნიციპალიტეტის მერის მოადგილე ლია ზურებიანი, ააიპ " შეზღუდული შესაძლებლობების მქონე პირთა დახმარების ფონდი" -ს ხელმძღვანელი გოჩა კაპანაძე და პროექტის მოსარგებლეები.