მთავარი
ბიუჯეტი
ტენდერი
პროექტები
პეტიციის დამატება
გამოკითხვა
ფოტო გალერეა
„აფხაზეთიდან იძულებით გადაადგილებულ პირთა გასვლითი პროფილაქტიკური სამედიცინო გასინჯვების“ პროგრამის ფარგლებში აფხაზეთის ავტონომიური რესპუბლიკის ჯანმრთელობისა და სოციალური დაცვის სამინისტროს მიერ ერთ-ერთი გასვლითი ღონისძიება განხორციელდა თეთრიწყაროს მუნიციპალიტეტის სოფელ ალექსეევკაში მცხოვრებ იძულებით გადაადგილებული მოსახლეობისათვის.
აქციაში მონაწილეობას იღებდნენ თბილისის წამყვანი კლინიკების მაღალკვალიფიციური სპეციალისტები, აგრეთვე, აფხაზეთის სამედიცინო დაწესებულებების წამყვანი ექიმ - სპეციალისტები. სამედიცინო ჯგუფის შემადგენლობაში იყვნენ: ოჯახის ექიმი, პედიატრი, კარდიოლოგი, ნევროლოგი, გინეკოლოგი, ქირურგი, ოფთალმოლოგი, ოტორინოლარინგოლოგი, ენდოკრინოლოგი, ულტრასონოგრაფიის აპარატურით აღჭურვილი სპეციალისტი, დერმატოლოგი. აქციის ფარგლებში სამედიცინო გამოკვლევა/დიაგნოსტიკა ჩაუტარდა 80-მდე ბენეფიციარს.
სამედიცინო აქციის მიმდინარეობას ესწრებოდა აფხაზეთის ავტონომიური რესპუბლიკის ჯამრთელობისა და სოციალური დაცვის მინისტრის მოადგილე თენგიზ კვირტია, თეთრიწყაროს მუნიციპალიტეტის გამგებლის მოადგილე ლია ზურებიანი და ადგილობრივი თვითმმართველობის სხვა ხელმძღვანელი პირები.
