სიახლეების გამოწერა

 „განავითარე შენი რეგიონი“ პროექტის ფარგლებში, 16 მარტს სამუშაო შეხვედრა გაიმართა, რომელსაც თეთრიწყაროს მუნიციპალიტეტის მერი  გიორგი ქორიძე, მერის მოადგილე ლია ზურებიანი,  საკრებულოს თავმჯდომარის მოადგილე ავთანდილ მუხაშავრია, პროექტის ორგანიზატორი გიგა გლუნჩაძე და ქალაქ თეთრიწყაროს პირველი საჯარო სკოლის მოსწავლეები  ესწრებოდნენ.

პროექტი, რომელიც სკოლის მოსწავლეების და სტუდენტების ჩართულობით საქართველოს 63 მუნიციპალიტეტში ხორციელდება,  მიზნად ისახავს ახალგაზრდების აქტიური მონაწილეობით, მუნიციპალიტეტებში სოციალურ-ეკონომიკური, კულტურული და ტურისტული განვითარების ახალგაზრდული ინიციატივების შემუშავებას და განხორციელებას.

გიორგი ქორიძე იდეების  განხორციელებისათვის   მაქსიმალურ მხარდაჭერას დაპირდა ახალგაზრდებს და მუნიციპალიტეტის განვითარების პროცესში ახალგაზრდების მონაწილეობის აუცილებლობაზე  საკუთარი მოსაზრებები  გაუზიარა.

ახალგაზრდული ინიციატივების შემუშავების მიზნით,  თეთრიწყაროს მუნიციპალიტეტის ყველა საჯარო სკოლაში მოსწავლეთა მონაწილეობით შეიქმნება სამუშაო ჯგუფები.

გაცნობითი შეხვედრა პროექტ „განავითარე შენი რეგიონი“-ს ფარგლებში