მთავარი
ბიუჯეტი
ტენდერი
პროექტები
პეტიციის დამატება
გამოკითხვა
ფოტო გალერეა
2018 წელს სოფელ მაწევანში მისასვლელი და შიდა საავტომობილო გზის მოასფალტების სამუშაოები დაიწყება. აღსანიშნავია, რომ სოფლამდე მისასვლელი გზა სრულად ამორტიზებულია და წლების განმავლობაში მოსახლეობისათვის მთავარ პრობლემას წარმოადგენდა.
პროექტის ფარგლებში მოასფალტდება 3,2კმ სიგრძის საავტომობილო გზა. შედეგად სოფელში მცხოვრები 80-მდე ბენეფიციარი ისარგებლებს კომფორტული გადაადგილების პირობებით, რაც ხელს შეუწყობს სოფელში არსებული სოციალურ-ეკონომიკური ფონის გაუმჯობესებას.
დაგეგმილი სამუშაოები 20 თებერვალს ადგილობრივ მოსახლეობასთან გამართულ შეხვედრაზე განიხილეს ქვემო ქართლში სახელმწიფო რწმუნებულმა-გუბერნატორმა გრიგოლ ნემსაძემ, თეთრიწყაროს მაჟორიტარმა დეპუტატმა გოდერძი ჩანქსელიანმა და თეთრიწყაროს მუნიციპალიტეტის მერმა გიორგი ქორიძემ. ხელმძღვანელმა პირებმა მოისმინეს ინფორმაცია მოსახლეობის სხვა საჭიროებების შესახებ და იმსჯელეს პრობლემების გადაჭრის გზებზე.
