სიახლეების გამოწერა

6 ივნისს თეთრიწყაროს მუნიციპალიტეტის გამგებლის მოვალეობის შემსრულებელი ერეკლე კუხიანიძე და საქველმოქმედო ჰუმანიტარული ცენტრი აფხაზეთის (CHCA) წარმომადგენლები, პროექტ „სამართლიანი საზოგადოებისაკენ“ ფარგლებში ქალაქ თეთრიწყაროს ყოფილი საავადმყოფოს შენობაში მცხოვრებ, ოკუპირებული ტერიტორიებიდან იძულებით გადაადგილებულ მოსახლეობას  შეხვდნენ. შეხვედრა საინფორმაციო-გაცნობითი ხასიათის იყო.  

სათემო კავშირი საზოგადოებრივი ორგანიზაციის ერთ-ერთი სახეა. ამ ტიპის ორგანიზაციების მიზანია სათემო-კომუნალური პრობლემების მოგვარება. ისინი წარმოადგენენ მცირე ზომის ორგანიზაციებს ან არაფორმალურ ჯგუფებს, რომლებიც გეოგრაფიული ტიპის თემს (უბანი, რაიონი, სოფელი ,დაბა) ემსახურებიან და მისი მაცხოვრებლების ინტერესების დაცვაზე ზრუნავენ. მათი საქმიანობის სფეროებია: ინფრასტრუქტურის რეაბილიტაცია, გარემოს დაცვა, მოსახლეობის ინფორმირება/განათლება, სოციალური კეთილდღეობა, კულტურა, სოფლის მეურნეობა.

საქველმოქმედო ჰუმანიტარული ცენტრი აფხაზეთის წარმომადგენლებმა ოკუპირებული ტერიტორიებიდან იძულებით გადაადგილებულ მოსახლეობას პროექტის შესახებ ინფორმაცია მიაწოდეს  და მხარეები თანამშრომლობაზე შეთანხმდნენ.