სიახლეების გამოწერა

2017 წლის 6 ივნისს 11:00 საათზე ჰემატოლოგიისა და ტრანსფუზიოლოგიის (სისხლის გადასხმის) ინსტიტუტის სისხლის ბანკმა   თეთრიწყაროს მუნიციპალიტეტის გამგეობის „ქალთა ოთახ“-ში ჩაატარა  უანგარო დონაციათა აქცია  „თქვენ  დღეს სიცოცხლე გადაარჩინეთ“. აქციაში მონაწილე თითოეულ დონორს უბრუნდება ანალიზების პასუხები (კონფიდენციალურად, დალუქულ კონვერტში). აქციაში მონაწილე თითოეულ პირს ინსტიტუტის სახელით გადაეცა „მადლობის სიგელი“.  ამასთან ცნობილია, სისხლის უანგარო დონაცია უსაფრთხო პროცესია, რომლის ფარგლებში სისხლის დონორიც იღებს სარგებელს, კერძოდ, სისხლის გაცემის პროცესი ხელს უწყობს ახალი უჯრედების წარმოქმნას და შედეგად აახალგაზრდავებს სისხლს. აქციაში მონაწილეობას იღებდნენ თეთრიწყაროს მუნიციპალიტეტისა და საკრებულოს თანამშროლები და ადგილობრივი მოსახლეობა.