სიახლეების გამოწერა

ქვემო ქართლის სახელმწიფო რწმუნებულის-გუბერნატორის პაატა ხიზანაშვილის ინიციატივით და თეთრიწყაროს მუნიციპალიტეტის გამგებლის ბესიკ წიკლაურის მხარდაჭერით თვალის მიკროქირურგიის ჯავრიშვილის კლინიკა „ოფთალმიჯი“-ს ექიმებმა თეთრიწყაროს მუნიციპალიტეტის ექვს ადმინისტრაციულ ერთეულში (ქ.თეთრიწყარო, კოდა, ჯორჯიაშვილი, ასურეთი, ხაიში, ორბეთი) მორიგი უფასო სამედიცინო აქცია გამართეს.

აქციის ფარგლებში ექიმ ოფთალმოლოგებმა უფასო სამედიცინო კონსულტაცია და მომსახურება გაუწიეს თეთრიწყაროს მუნიციპალიტეტში მცხოვრებ 200-მდე მოქალაქეს. მოხდა შემდეგი სახის დიაგნოსტიკა: ვიზომეტრია - მხედველობის შემოწმება, სათვალის შერჩევა, ბიომიკროსკოპია, თვალის ფსკერის გამოკვლევა, პანომეტრია. 
16 თებერვალს ქ. თეთრიწყაროში, გამოკვლევების შედეგად შერჩეულ თვალის (კატარაქტის) ოპერაციის საჭიროების მქონე 20 პაციენტს, 
ჩაუტარდა კატარაქტის უფასო ქირურგიული ოპერაცია. მუნიციპალიტეტის გამგეობა მხარს უჭერს და მიესალმება მოსახლეობის სამედიცინო მომსახურების უზრუნველყოფის მიმართულებით მსგავს აქციებს და მადლიერებას გამოხატავს ჯავრიშვილის თვალის კლინიკა „ოფთალმიჯი“-ს ხელმძღვანელობის და მედპერსონალის მიმართ, გაწეული სამედიცინო მომსახურებისათვის და პაციენტების მიმართ გამოჩენილი გულისხმიერებისათვის.