სიახლეების გამოწერა

17 მაისს თეთრიწყაროს მუნიციპალიტეტის გამგებლის მოვალეობის შემსრულებელი ერეკლე კუხიანიძე, ქალაქ თეთრიწყაროში ფარნავაზისა და ბაგრატიონის ქუჩებზე მცხოვრებ მოსახლეობას შეხვდა. ადგილზე გაეცნო მათ პრობლემებს და საჭიროებებს და მუნიციპალიტეტის უფლებამოსილებების ფარგლებში დახმარებას დაპირდა.შეხვედრისას მოსახლეობის მიერ გამოიკვეთა ძირითადი პრობლემები, ერეკლე კუხიანიძემ მოსახლეობას მიაწოდა ინფორმაცია მიმდინარე წელს ფარნავაზის ქუჩაზე მდებარე მრავალბინიანი საცხოვრებელი სახლის სახურავის რეაბილიტაციისა და გამგებლის სამოქალაქო მრჩეველთა საბჭოს შემადგენლობისა და გადახალისების შესახებ, წარუდგინა საკუთარი ინიციატივა - რომლის მიხედვით, მოსახლეობა არჩევითობის პრინციპით, ხმათა უმრავლესობით თვითონ ირჩევს და წარუდგენს გამგებელს სამოქალაქო მრჩეველთა საბჭოს შემადგენლობას, რათა მაქსიმალურად იყოს უზრუნველყოფილი გადაწყვეტილებების მიღების პროცესში საზოგადოების ჩართულობა და მოქალაქეებმა აქტიურად მიიღონ მონაწილეობა თვითმმართველობის განხორციელებაში, ინფრასტრუქტურული თუ სოციალური პროექტების დაგეგმვის, პრიორიტეტების განსაზღვრის და ბიუჯეტის ფორმირების პროცესში.