სიახლეების გამოწერა

თეთრიწყაროს მუნიციპალიტეტის დასახლებებში ადგილობრივ მოსახლეობასთან შეხვედრები გრძელდება.თეთრიწყაროს მუნიციპალიტეტის გამგებლის მოვალეობის შემსრულებელი  ერეკლე კუხიანიძე სოფელ ორბეთის და დიდგორის მოსახლეობას შეხვდა,მოსახლეობისგან პირადად მოისმინა  ინფორმაცია აღნიშნულ დასახლებებში არსებული პრობლემების შესახებ და მუნიციპალიტეტის შესაძლებლობების ფარგლებში დახმარებას დაპირდა.

 ერეკლე კუხიანიძემ მოსახლეობას მიაწოდა ინფორმაცია გამგებლის სამოქალაქო მრჩეველთა საბჭოსშემადგენლობის გადახალისების შესახებ და წარუდგინა საკუთარი ინიციატივა, საბჭოს შემადგენლობის ფორმირების პროცესში მოსახლეობამ საკუთარი თემიდან  თვითონ აირჩიოს საბჭოს შემადგენლობა და გამგებელს  წარუდგინონ ნდობით აღჭურვილი პირები: „მნიშვნელოვანია გარანტირებული იყოს მოქალაქეთა უფლება ჩართულნი იყვნენ გადაწყვეტილებების მიღების პროცესში და მოქალაქეებს ჰქონდეთ შესაძლებლობა თვითონ მიიღონ მონაწილეობა მუნიციპალიტეტში  პროექტების დაგეგმვის და ბიუჯეტის ფორმირების პროცესში, თვითონ დასახონ და განსაზღვრონ პრიორიტეტული მიმართულებები“ - აღნიშნა ერეკლე კუხიანიძემ.