სიახლეების გამოწერა

სოფელ ნავთიანთან დამაკავშირებელი სტიქიის შედეგად დაზიანებული  ხიდი აღდგენილია. ობიექტზე მოეწყო მართკუთხაკვეთის რკინაბეტონის ახალი წყალგამტარი მილი, ბეტონის და ხრეშოვანი საგებები და წყლის მიმართულების მიმცემი ფრთები - გაბიონები. 

ნავთიანში მისასვლელი ხიდი 2016 წლის 7 ივნისს მოსულმა უხვმა ნალექმა დააზიანა, რის შედეგად სოფლამდე მისასვლელ გზაზე შეწყდა საავტომობილო მოძრაობა.  მუნიციპალიტეტის გამგებლის ბესიკ წიკლაურის უშუალო ჩართულობით, ხიდზე აღდგენითი სამუშაოები დაუყოვნებლივ დაიწყო და მოეწყო დროებითი კონსტრუქცია, ხოლო სრული სარეაბილიტაციო სამუშაოების განხორციელება  დასრულდა მიმდინარე წლის 26 მარტს.

პროექტის ღირებულება ხელშეკრულებით -  21 240 ლარი

განხორციელების ვადები - 16.10.2016-26.03.2017

კონტრაქტორი კომპანია -  შპს „ლიბო+“