სიახლეების გამოწერა

 2017 წლის 20 მარტს, ქ.თეთრიწყაროს N1 საჯარო სკოლაში, სოციალურ-საგანმანათლებლო მედიაპროექტ „ეტალონი“-ს რეგიონული გასვლითი თამაშის „თეთრიწყაროს ეტალონი მოსწავლის“ გამოსავლენი ინტელექტუალური კონკურსი გაიმართა. ღონისძიებაში მონაწილეობდა მუნიციპალიტეტის 26 საჯარო სკოლის 75 მოსწავლე. კონკურში გამოვლინდა გამარჯვებული„ თეთრიწყაროს ეტალონი მოსწავლე“ სოფელ კოდის საჯარო სკოლის XI კლასის მოსწავლე მარიამ ყულიაშვილი, რომელიც შემდგომ „საქართველოს ეტალონი მოსწავლის“ ფინალურ ტურში მიიღებს მონაწილეობას. კონკურსი ჩატარდა მედიაპროექტ „ეტალონის“ ჯგუფის ორგანიზებით და თეთრიწყაროს მუნიციპალიტეტის ფინანსური მხარდაჭერით. ღონისძიებას ესწრებოდნენ: თეთრიწყაროს მუნიციპალიტეტის საკრებულოს თავმჯდომარის მოადგილე ავთანდილ მუხაშავრია გამგეობის წარმომადგენლებთან ერთად, თეთრიწყაროს საგანმანათლებლო რესურსცენტრის ხელმძღვანელი გულნაზი აფციაური, პედაგოგები და მოსწავლეები, ხოლო შეხვედრას უძღვებოდა მედიაპროექტ „ეტალონი“-ს ავტორი გოჩა ტყეშელაშვილი. თეთრიწყაროს თვითმმართველობა ულოცავს მარიამ ყულიაშვილს გამარჯვებას და უსურვებს წარმატებას პროექტის შემდგომ ეტაპზე.