სიახლეების გამოწერა

9 მაისს თეთრიწყაროს მუნიციპალიტეტის გამგებლის მოვალეობის შემსრულებელმა მამუკა ჩოქურმა ომის ვეტერანებს ფაშიზმზე გამარჯვების 69-ე წლისთავი მიულოცა.

ქალაქის პარკში რაიონის გამგებელმა და მუნიციპალიტეტის საკრებულოს თავმჯდომარემ მეორე მსოფლიო ომის დროს დაღუპული ჯარისკაცების მემორიალი გვირვინით შეამკო. მამუკა ჩოქურმა მეორე მსოფლიო ომის მონაწილე, რაიონში მცხოვრებ ოცივე ვეტერანს ფულადი ჯილდო 100-100 ლარი გადასცა. მეორე მსოფლიო ომში გამარჯვების დღის აღსანიშნავად ვეტერანებისთვის კონცერტი და საზეიმო სადილი გაიმართა. ასევე, მეორე მსოფლიო ომის დროს დაღუპული მეომრების სულის მოსახსენიებელი პარაკლისიც გადაიხადეს.