სიახლეების გამოწერა

თეთრიწყაროს მუნიციპალიტეტის გამგებლის ბესიკ წიკლაურის მხარდაჭერით, 11-12 მარტს ქ.თეთრიწყაროში, მიკროქირურგიის ჯავრიშვილის კლინიკა "ოფთალმიჯი"-ს მიერ, მორიგი სამედიცინო აქცია გაიმართა.

აქციის ფარგლებში თვალის კატარაქტის მკურნალობის საჭიროების მქონე 22 პაციენტს ქირურგიული ოპერაცია ჩაუტარდა, ხოლო ოფთალმოლოგ ექიმებმა უფასო სამედიცინო კონსულტაცია და მომსახურება გაუწიეს ქ. თეთრიწყაროში მცხოვრებ 30 მოქალაქეს.
პაციენტებს, რომელთაც ოპერაციული მკურნალობის ხარჯების თანადაფინანსების თხოვნით მიმართეს თეთრიწყაროს გამგეობას, სრულიად დაუფინანსდათ ოპერაციის თანხის დარჩენილი ნაწილი, რომელსაც არ ანაზღაურებს ჯანდაცვის საყოველთაო დაზღვევა.
სამედიცინო აქციის მიმდინარეობას დაესწრო თეთრიწყაროს მუნიციპალიტეტის გამგებელი ბესიკ წიკლაური. "ოფთალმიჯი"-ს ინფორმაციით, უფასო სამედიცინო აქციები მომავალშიც გაგრძელდება. მორიგი აქციის ჩატარების დროის და ადგილის შესახებ თეთრიწყაროს მუნიციპალიტეტის მოსახლეობას ეცნობება გამგეობის ოფიციალური გვერდის საშუალებით.