სიახლეების გამოწერა

18 მარტს თეთრიწყაროს მუნიციპალიტეტის გამგეობის მიერ მოეწყო გამწვანების აქცია, რომლის ფარგლებშიც, ქ. თეთრიწყაროში დიდგორის ქუჩაზე ახლადრეაბილიტირებული სპორტული მინი სტადიონის მიმდებარე სკვერში, „ციყვების პარკში“, ქ. თეთრიწყაროს საჯარო სკოლების და ჯორჯიაშვილის საბავშვო ბაღის ეზოებში დაირგო ფიჭვის, იფნის და კაკლის ჯიშის მრავალწლიანი ნერგები.

გამწვანების აქციაში მონაწილეობა მიიღეს რეგიონული განვითარებისა და ინფრასტრუქტურის მინისტრის მოადგილემ თენგიზ შერგელაშვილმა, თეთრიწყაროს მუნიციპალიტეტის გამგებელმა ბესიკ წიკლაურმა ვაჟიშვილთან ერთად, რეგიონული პოლიტიკის დეპარტამენტის უფროსმა გიორგი წაქაძემ, ქვემო ქართლის სახელმწიფო რწმუნებულ-გუბერნატორის მოადგილემ ნუგზარ სალიამ და მუნიციპალიტეტის გამგეობის თანამშრომლებმა.