სიახლეების გამოწერა

ტბისი-კუმისის სარწყავი სისტემის. ალგეთის წყალსაცავის კაშხლის და ჰიდროტექნიკური ნაგებობების ინსტრუმენტალური მონიტორინგის სისტემის აღდგენა, მაგისტრალური არხის ხაიშის და მარაბდის მასივებზე  წყალმიმყვანი მილსადენების რეაბილიტაციის პროექტის განხორციელებასთან დაკავშირებით 2 თებერვალს თეთრიწყაროს მუნიციპალიტეტის გამგეობაში შედგა შეხვედრა.

შეხვედრას ესწრებოდნენ თეთრიწყაროს მუნიციპალიტეტის გამგებელი ბატონი ბესიკ წიკლაური, თეთრიწყაროს მუნიციპალიტეტის გამგებლის პირველი მოადგილე ბატონი კახა სამხარაძე, გამგებლის წარმომადგენლები ადმინისტრაციულ ერთეულებში,ფერმერები,ადგილობრივი მოსახლეობა .ასევე:
ვახტანგ გარდაფხაძე-საქართველოს გაერთიანებული სამელიორაციო სისტემების კომპანიის ქვემო ქართლის რეგიონალური სამსახურის დირექტორი.
ლალი დუმნიშიძე-სოფლის მეურნეობის სამინისტროს პროექტების მენეჯერ-კონსულტანტი.
ლევან ცხოვრებაშვილი -ინჟინერი სოფლის მეურნეობის სამინისტროს პროექტების კონსულტანტი.
ვალერიან მჭედლიძე სოფლის მეურნეობის სამინისტროს მელიორაციის დეპარტამენტის უფროსი.
შეხვედრაზე ზოგადად მიმოიხილეს სარწყავ სისტემებზე არსებული მდგომარეობა,გარემოსდაცვითი მართვის გეგმა და ის ძირითადი მიზეზები ,რამაც განაპირობა მათი დღეისათვის მეტწილად გაუმართავ მდგომარეობაში არსებობა .საპროექტო ორგანიზაციის წარმომადგენლებმა თხოვნით მიმართეს გამგებლის წარმომადგენლებს ადმინისტრაციულ ერთეულებში და ფერმერებს ითანამშრომლონ საინჟინრო პროექტის განვითარების პროცესში , რათა მაქსიმალურად გათვალისწინებულ იქნეს მათი მოთხოვნები.