სიახლეების გამოწერა

22 აპრილს მთელს მსოფლიოში აღინიშნება დედამიწის დღე, რომელიც ერთ-ერთი ყველაზე მასშტაბური გარემოსდაცვითი კამპანიაა და საკუთარი საცხოვრებელი გარემოს დაცვის მიზნით აერთიანებს მსოფლიო საზოგადოებას სხვადასხვა გარემოსდაცვითი ღონისძიების ჩასატარებლად.

დედამიწის დღე პირველად 1970 წელს აღინიშნა მსოფლიო მასშტაბით და მილიონობით ადამიანი გამოვიდა ჩვენი პლანეტის - დედამიწის დასაცავად.
საქართველოში „დედამიწის დღე“ პირველად 1990 წელს აღინიშნა, „საქართველოს მწვანეთა მოძრაობა/დედამიწის მეგობრები-საქართველოს“ მიერ და ამ დღის ფარგლებში არაერთ გარემოსდაცვით კამპანიას ატარებს.
წელს, ეს დღე 45-დ აღინიშნება და მის ფარგლებში მსოფლიოს მასშტაბით მრავალი გარემოსდაცვითი აქტივობაა დაგეგმილი.გამონაკლისს არც მიმდინარე წელი წარმოადგენს. „საქართველოს მწვანეთა მოძრაობა/დედამიწის მეგობრები-საქართველოს“ ინიციატივითა და ორგანიზებით, აქცია „დავასუფთაოთ საქართველოს“ ფარგლებში  და გარემოსა და ბუნებრივი რესურსების დაცვის სამინისტროს მიერ გამოცხადებული ,,არ დაყარო ნაგავი, იზრუნე გარემოზე!“ კამპანიის ფარგლებში, საქართველოს მთელ ტერიტორიაზე ადგილობრივმა მუნიციპალიტეტებმა ჩაატარონ ფართომასშტაბიანი დასუფთავების აქციები. 
თეთრიწყაროს მუნიციპალიტეტი აქტიურად ჩაერთო  აღნიშნულ კამპანიაში, შ.პ.ს. ,,თეთრიწყაროს კეთილმოწყობისა და დასუფთავების სამსახურ“-მა დაასუფთავა თეთრიწყაროს სამების ტყის მიმდებარე ტერიტორია, მანგლისის როშა და სოფ. მარაბდის მიმდებარე ტერიტორია (ომში დაღუპულთა მემორიალი).