პოექტის „დავასუფთავოთ საქართველო - ფაზა III“ ფარგლებში, 25 მარტს თეთრიწყაროს მუნიციპალიტეტის სოფელ ჩხიკვთაში, ადმინისტრაციული შენობის დარბაზში, გაიმართა საინფორმაციო შეხვედრა ადგილობრივ მოსახლეობასთან.

შეხვედრის მიზანს წარმოადგენდა ადგილობრივი მოსახლეობის ინფორმირება ქვეყანაში ნარჩენების მართვის გზებზე, კერძოდ განხილულ იქნა საკითხი ნარჩენების მართვის სფეროში არსებული რეგულაციების და მოქმედი საკანონმდებლო ბაზის შესახებ, აგრეთვე ევროკავშირის მიდგომები ნარჩენების მართვის საკითხებში.
შეხვედრას წარმართავდნენ „საქართველოს მწვანეთა მოძრაობა/დედამიწის მეგობრები-საქართველო“-ს თანათავმჯდომარე ნინო ჩხობაძე და რეგიონალური კოორდინატორი ზურაბ ვაშალომიძე.
პროექტი ხორციელდება არასამთავრობო ორგანიზაციათა კონსორციუმის („საქართველოს მწვანეთა მოძრაობა /დედამიწის მეგობრები - საქართველო, საქართველოს ბუნების მკვლევართა კავშირი „ორიქისი“და „ეკოლოგიური ცნობიერების ამაღლება და ნარჩენების მართვა“) მიერ, შვედეთის მთავრობის ფინანსური მხარდაჭერით.