სიახლეების გამოწერა

დღეს 17 ივლისს თეთრიწყაროს მუნიციპალიტეტის გამგეობის სხდომათა დარბაზში გაიმართა ტრენინგი თემაზე: ქალებისა და მამაკაცების თანაბარი მონაწილეობა გადაწყვეტილების მიღების პროცესში ადგილობრივ დონეზე (სოფლის კრებების ორგანიზება და სოფლის საჭიროებების განსაზღვრა გენდერული თანასწორობის პრინციპების დაცვით).

ტრინინგს ესწრებოდნენ თეთრიწყაროს მუნიციპალიტეტის გამგებელი ბესიკ წიკლაური, თეთრიწყაროს მუნიციპალიტეტის საკრებულოს თავმჯდომარე გოჩა თედორაძე, ადმინისტრაციული სამსახურის უფროსი ბესარიონ ფაღავა და გამგებლის წარმომადგენლები ადმინისტრაციულ ერთეულებში.
ტრენერი: შორენა ლორთქიფანიძე, მერსი ქორფსის გენდერის ესქპერტი
ტრენინგზე სოფლის წამომადგენლებს მიეწოდათ ინფორმაცია ადგილობრივ დონეზე გადაწყვეტილების მიღების პროცესში ანუ სოფლის შეკრებებზე ქალბისა და მამაკაცების თანაბარი დასწრების უზრუნველყოფის საკითხებზე, ასევე შესაბამისი კანონმდებლობისა და წესების გაცნობა. თეთრიწყაროს მუნიციპალიტეტის სოფლებში 2015 წლის მარტში ჩატარებულ სოფლის კრებებზე ქალების დასწრების პროცენტული მაჩვენებელი წინა წლებთან შედარებით მნიშვნელოვნად გაიზარდა და დაახლოებით 28 %-ს მიაღწია. 
აღნიშნული ტრენინგის ჩატარების მიზანი იყო, რომ გამგებლის წარმომადგენლებმა ადმინისტრაციულ ერთეულებში შემდგომში სოფლის შეკრებების ჩატარების დროს გაითვალისწინონ როგორც მამაკაცების, ისე ქალების საჭიროებები თუ მოთხოვნები და შეეცადონ, რომ სოფლის კრებების ჩატარების დროს მათი დასწრება თანაბრად უზრუნველყონ.
ტრენინგი ჩატარდა შვეიცარიის განვითარების სააგენტოს (SDC) და მერსი ქორფსის მიერ იმპლემენტირებული „მცირე კავკასიის ალიანსების პროგრამის“ ფასილიტაციით.