სიახლეების გამოწერა

თეთრიწყაროს მუნიციპალიტეტის სოფელ მარაბდაში მარაბდობის დღესასწაული აღინიშნა

ღონისძიებას ესწრებოდნენ ქვემო ქართლში სახელმწიფო რწმუნებულ - გუბერნატორის მოადგილე ნუგზარ სალია, ქვემო ქართლში სახელმწიფო რწმუნებულ - გუბერნატორის ადმინისტრაციის რეგიონული პროექტების კოორდინირების სამსახურის უფროსი გიორგი ხომერიკი, რუსთავის საკრებულოს თავმჯდომარე დავით მაღლაკელიძე, თავმჯდომარის მოადგილე ნინო ლომიძე, ქალაქის მერის მოადგილე ლაშა ლობჯანიძე, მანგლისისა და თეთრიწყაროს ეპარქიის მიტროპოლიტი მეუფე ანანია (ჯაფარიძე), ეთრიწყაროს მუნიციპალიტეტის გამგებელი ბესიკ წიკლაური, გამგებლის მოადგილეები ლია ზურებიანი,გიორგი ქორიძე, თეთრიწყაროს მუნიციპალიტეტის საკრებულოს თავმჯდომარე გოჩა თედორაძე, საკრებულოს თავმჯდომარის მოადგილე დავით სარიევი და გამგეობის სხვა თანამშრომლები.
მანგლისისა და თეთრიწყაროს ეპარქიის მიტროპოლიტმა მეუფე ანანიამ, წმინდა მარინეს ეკლესიის ეზოში განსვენებული 9 ძმა ხერხეულიძის და 1625 წელის 1 ივლისს მარაბდის ბრძოლაში დაღუპულ წმინდანთა საფლავები აკურთხა, ასევე მოხდა სოფელ მარაბდაში 9 ძმის მემორიალთან მისასვლელ გზაზე აღმართული ჯვრის კურთხევა.
საზეიმო ღონისძიება ა.ა.ი.პ. ,,თეთრიწყაროს მუნიციპალიტეტის კულტურისა და საბიბლიოთეკო დაწესებულებების გაერთიანება-კულტურის ცენტრის“ ორგანიზებით 9 ძმის მემორიალთან კონცერტით გაგრძელდა,  რომელშიც მონაწილეობას იღებდნენ მომღერლები: თემურ წიკლაური, ნათია ქოროღლიშვილი, პოეტები: ნიკოლოზ ნორიელი და იოანე ქართველი.