სიახლეების გამოწერა

სოფელ ერტისის საჯარო სკოლის წყალმომარაგების პრობლემა აღმოფხვრილია. სკოლას, რომელშიც 200-მდე მოსწავლე სწავლობს, წყალგაყვანილობის სისტემის დაზიანების გამო, წელიწადზე მეტია არ მიეწოდებოდა სასმელი წყალი. აღნიშნული პრობლემა 2 ივნისს გამგეობაში საგანმანათლებლო პროგრამის “მომავლის თაობა” ფარგლებში, გამგებელთან შეხვედრაზე ერტისის საჯარო სკოლის დირექტორმა და მოსწავლეებმა თემში არსებულ სხვა პრობლემებთან ერთად განიხილეს. მუნიციპალიტეტის გამგებლის ბესიკ წიკლაურის დავალებით, სამუშაოების განხორციელება დაუყონებლივ უზრუნველყო ააიპ „თეთიწყარო წყალმა“. ჩატარდა გათხრითი სამუშაოები და შეიცვალა დაახლოებით 80 მ სიგრძის დაზიანებული წყლის მილი. სამუშაოების ჩატარების შემდგომ სკოლას აღუდგა სასმელი წყლის მიწოდება.