სიახლეების გამოწერა

13 ივნისს თეთრიწყაროს მუნიციპალიტეტის გამგებელი ბესიკ წიკლაური და საკრებულოს თავმჯდომარე გოჩა თედორაძე ქალაქ თეთრიწყაროში თამარ მეფის ქუჩაზე მდებარე „ციყვების პარკის“ სარეაბილიტაციო სამუშაოების მიმდინარეობას ადგილზე გაეცნენ. პროექტით გათვალისწინებულია პარკში არსებული ინფრასტრუქტურის განახლება, დამატებით მოეწყობა სპორტული და საბავშვო ატრაქციონები. სამუშაოების განხორციელება მიმდინარე წლის 18 მაისს დაიწყო და დასრულება ხელშეკრულებით 17 ივლისს არის გათვალისწინებული, პროექტის ბიუჯეტი ხელშეკრულებით 86019.57 ლარს შეადგენს,სამუშაოებს აწარმოებს ი/მ თემურ წიკლაური.
ხელმძღვანელმა პირებმა ქალაქ თეთრიწყაროში თამარ მეფისა და დავით აღმაშენებლის ქუჩებზე მიმდინარე სარეაბილიტაციო სამუშაოებიც დათვალიერეს. პროექტით გათვალისწინებულია ქუჩებზე საავტომობილო გზის რეაბილიტაცია და ტროტუარების კეთილმოწყობა. აღსანიშნავია, რომ ქუჩებს სრული რეაბილიტაცია არ ჩატარებია ბოლო 20 წლის განმავლობაში, რაც მნიშვნელოვნად აფერხებდა მგზავრთა გადაადგილებას და საგზაო მოძრაობის უსაფრთხოების დაცვას. აღნიშნული პროექტის ინიციატორია თეთრიწყაროს მუნიციპალიტეტის გამგეობა, პროექტის განხორციელების შედეგად გაუმჯობესდება ქალაქის საგზაო ინფრასტრუქტურა, შეიქმნება ტრანსპორტით და ფეხით მოსიარულეთა კომფორტული და უსაფრთხო გადაადგილების პირობები. სამუშაოები მიმდინარე წლის21 მაისს დაიწყო და დასრულება ხელშეკრულებით 21 სექტემბერს არის გათვალისწინებული. სამუშაოები ხორციელდება საქართველოს რეგიონული განვითარებისა და ინფრასტრუქტურის სამინისტროს სსიპ „მუნიციპალური განვითარების ფონდი“-ს დაკვეთით, პროექტის ბიუჯეტი ხელშეკრულებით 728.415 ლარს შეადგენს.