სიახლეების გამოწერა

26 ივნისს, თეთრიწყაროს მუნიციპალიტეტის გამგეობის სააქტო დარბაზში 12:00 საათზე, მოეწყობა საჯარო შეხვედრა მოსახლეობასთან. მუნიციპალიტეტის გამგებელი ბესიკ წიკლაური საზოგადოებას წარუდგენს ანგარიშს გაწული მუშობის შესახებ, ისაუბრებს მუნიციპალიტეტში დაგეგმილ მნიშვნელოვან პროექტებზე და უპასუხებს მოქალაქეთა მიერ დასმულ შეკითხვებს. ანგარიშის წარდგენის შემდგომ, არასამთავრობო ორგანიზაცია „მწვანე კავკასია” სამოქალაქო მრჩეველთა საბჭოსთან ერთად, პროექტის „თანამონაწილეობითი დაგეგმვა ურბანულ დასახლებაში“ პრეზენტაციას გამართავს. მოსახლეობა ადგილობრივ ხელისუფლებასთან ერთად იმსჯელებს ქალაქის ცენტრალური უბნების განვითარების პერსპექტივებზე.
შეხვედრის ბოლოს გაიმართება დისკუსია.
გთხოვთ იაქტიუროთ, მობრძანდეთ შეხვედრაზე და დაესწროთ საჯარო განხილვას, დასვათ კითხვები და მიიღოთ კომპეტენტური პასუხები, იმსჯელოთ საკუთარი ქალაქის განვითარებაზე.

პატივისცემით, თეთრიწყაროს მუნიციპალიტეტის გამგეობა