სიახლეების გამოწერა

17 სექტემბერს მსოფლიო გარემოსდაცვით კამპანიის ფარგლებში „დავასუფთავოთ საქართველო“, ქ. თეთრიწყაროში ე.წ. დათვების ტყის მიმდებარე ტერიტორიაზე დასუფთავების აქცია მოეწყო. თეთრიწყაროს კეთილმოწყობისა და დასუფთავების სამსახურის თანამშრომლებმა ტერიტორია მყარი საყოფაცხოვრებო ნარჩენებისაგან გაწმინდეს. აღნიშული ტერიტორიაზე დაბინძურების ფაქტები ხშირია მიუხედავად იმისა, რომ შესაბამისი სამსახურის მიერ სისტემატურად ხდება ტერიტორიის დასუფთავება. ვთხოვთ მოსახლეობას და დამსვენებლებს გამოვიჩინოთ გულისხმიერება, გავუფრთხილდეთ ბუნებას და ნუ დავაბინძურებთ გარემოს. 
კამპანიის ჩატარებას შვედეთის მთავრობის ფინანსური მხარდაჭერით ორგანიზებას უწევს პროექტის „დავასუფთავოთ საქართველო“ განმახორციელებელი არასამთავრობო ორგანიზაციათა კონსორციუმი („საქართველოს მწვანეთა მოძრაობა/დედამიწის მეგობრები-საქართველო“, საქართველოს ბუნების მკვლევართა კავშირი „ორქისი“ და „ეკოლოგიური ცნობიერების ამაღლება და ნარჩენების მართვა“).